సాగరం..

ఎక్కడెక్కడో పర్వతాల్లొ పుట్టి

బుడి బుడి అడుగులతో

త్రోవలో తోటి వారిని కలుపుకొని

నవ్వుతూ పరవళ్ళు తొక్కుతూ

నడచిన త్రోవంతా నందనవనం చేస్తూ

తనకై వస్తున్న రాకుమారిని

అలల బాహువులతో ఆహ్వానించే

రాకుమారునిలా ఉంది సాగరం..

ఒకరి పొడ వేరొకరికి గిట్టకపోయినా

మొహాన చిరునవ్వు పులుముకున్న జనాలు,

కులమతాల రాగద్వేషాల చాందసభావాల

విప్లవాలు వినోదాలు కలగలిపిన

లౌకిక రాజ్యంలా ఉంది సాగరం..