తరు సుభాషితం

Ficus benghalensis tree at IG Zoo park by Adityamadhav83/wikimedia commons

మర్రి, మోదుగ, రావి, కానుగచెట్లు
పలు లాభకరము, కాలుష్యహరము
పెనుగాలుల నాపు, పలుజీవులకు రక్ష
వాని నాటి పెంచు, భవిత హాయినుండ
                     
పొన్న, మద్ది, గంగరావి, తంగేడులు
జలమునాపి ఉంచు, కోతనణచు
పక్షి, జంతుతతిని ఆదరించును గాన
వాని నాటి పెంచు భవిత హాయి నుండ

జువ్వి, అశోక, మారేడు తరువులు
గాలి శుద్ధిచేయు, జలమునాపు
నీడనిచ్చు, శబ్ద కాలుష్య మడచును
వాని నాటి పెంచు, భవిత హాయి నుండ

వేప, తొగర,రేల,దిరిసెన, కుంకుడు
ఔషధములనిచ్చు, కరువునాపు,
త్వరగ పెరిగి పక్షిగూళ్ళను పెంచును
వాని నాటి పెంచు, భవిత హాయినుండ

జామ, చింత,ఉసిరి, మామిడి, పనసలు
వింతరుచుల నిచ్చు, కరివేపకూడ
నీడనిచ్చు, జీవవైవిధ్యమును పెంచు
వాని నాటి పెంచు, భవిత హాయినుండ

పొగడ, పొన్న, కదంబ, సంపంగి విరితరులు
పరిమళముల నింపు, కోతనణచి మించు
మెచ్చు రాగమిచ్చు, పిక, కీరములకును
వాని నాటి పెంచు, భవిత హాయి నుండ

నరకబోకు చెట్ల నరకమే మనకిక
మొక్క మచ్చిక చేయ మెచ్చు ప్రకృతి
తప్పును తుఫానులు తీర వృక్షములుండ
విత్తునాటి పెంచు జగతి నిండ

ఆరోగ్యమైన ఆహరం తీసుకుందాం

బిల్వప్రశస్తి

మారేడు లేదా బిల్వము. Bael (Aegle marmelos)

మారేడుదళము గాలిని, నీటిని దోషరహితము చేస్తుంది. దలము అనగ జంటగా ఉన్న ఆకులు.

బిల్వప్రశస్తి:

మన పురాణాలలొ బిల్వమునకు అత్యంత ప్రాసస్త్యం ఉంది.

హిందూ దేవతలలో ఒకరైన శివపూజలో ముఖ్యం.

బిల్వ వృక్షము సాక్షాత్తు శివస్వరూపమని బావించెదరు.

బిల్వార్చన (మారేడుదళముతొ పూజించడం) శివునికి అత్యంత ప్రీతికరం అని ప్రసిద్ది.

లక్ష్మీదేవి తపస్సు వలన బిల్వవృక్షము పుట్టినది. ఆమెను 'బిల్వనిలయా' అని పిలుస్తారు అని పురాణములలో పెర్కొనబడినది.

మారేడు దళాన్ని సోమవారము, మంగళ వారము, ఆరుద్రానక్షత్రము, సంద్యాసమయము, రాత్రి వేళలందు, శిరాత్రి రోజున, సంక్రాంతి రోజున, పండుగల సమయాన కోయకూడదు కనుక ఈ దళాలను ముందు రోజు కోసి బభద్రపరచిన దళాలతో పరమశివుని పూజిస్తారు.

ఔషదగుణం :

మారేడు పండ్లు, కాయలు, బెరడు, వేళ్ళు, ఆకులు, పూవులు ఆన్నీ కూడా ఔషధములుగా ఉపయోగపడతాయి.

అతిసార వ్యాధికి దీని పండ్ల రసాయనం చాలా మంచి మందు.

ఆయుర్వేదములో వాడు దశమూలములలో దీని వేరు ఒకటి.

మొలలకు ఇది మంచి ఔషధము. దీని ఆకుల రసము చక్కెర వ్యాధి నివారణకు చాలా మంచిది.

మారేడు గురించి మరిన్ని వివరాలకై ఈ క్రింది లింకులు చూడండి:

http://en.wikipedia.org/wiki/Bael

http://www.asianonlinerecipes.com/herbs-health/bael-fruit.php

Note: The photo credit goes to the original photographer and source, it will be removed in case of any objections. Thank you.

కలకాలం నిలచిపోతుంది!

ఒక చల్లని చిరునవ్వు,

సభ్యత నిండిన ఆహ్వానం ,

మర్యాదతో కూడిన గౌరవం,

అందమైన ఒక తీయని మాట మాట్లాడితే చాలు,

మీ మంచితనం తో నిండిన రూపం కలకాలం నిలచిపోతుంది ఎవరి మనస్సులలోనైన!

1987 లో ప్రచురితమైన ఒక వార పత్రిక నుండి సేకరించబడినది.

ధన్యవాదములు

సేవకు, పూజకు భేదమేమిటి?

అత్యధిక ఆదరభావంతో చేసేది పూజ,

ఆదరం తక్కువైనది సేవ,

జీతం తీసుకుని పొట్ట కోసం చేసేది పని,

ఏ పనినైనా పరహితం కోరి భగవత్ పూజగా భావించి చేయడం మానవత్వపు మహోన్నత ఆదర్శం అవుతుంది.

1986 లో ప్రచురితమైన ఒక మాస పత్రిక నుండి సేకరించబడినది.

ధన్యవాదములు