సేవకు, పూజకు భేదమేమిటి?

అత్యధిక ఆదరభావంతో చేసేది పూజ,

ఆదరం తక్కువైనది సేవ,

జీతం తీసుకుని పొట్ట కోసం చేసేది పని,

ఏ పనినైనా పరహితం కోరి భగవత్ పూజగా భావించి చేయడం మానవత్వపు మహోన్నత ఆదర్శం అవుతుంది.

1986 లో ప్రచురితమైన ఒక మాస పత్రిక నుండి సేకరించబడినది.

ధన్యవాదములు

నాలుగు రకాల ప్రశ్నలు!

ప్రశ్నలు నాలుగు రకాలుగా ఉంటాయి, అవి:

1. ఏకాంశ వ్యాకరణీయం:

తడుముకోకుండా జవాబు ఇవ్వగలిగిన ప్రశ్న ఏకాంశ వ్యాకరణీయములు .

2. విభజ్య వ్యాకరణీయం:

విభాగము చేసుకొని జవాబు ఇవ్వవల్సిన ప్రశ్న విభజ్య వ్యాకరణీయములు.

3. పరిపృచ్చ్య వ్యాకరణీయం:

ప్రశ్నకు ప్రతి ప్రశ్న వేసి జవాబు ఇవ్వవలసినవి పరిపృచ్చ్య వ్యాకరణీయములు.

4. స్థాపనీయం:

బదులు ఏమీ చెప్పకుండా మౌనముగా ఉండవల్సిన ప్రశ్న స్థాపనీయము

లేదా అవ్యాకరణీయము.

బుద్ధుని "లోకక్షేమ గాధలు" అను పుస్తకము నుండి సేకరించబడినది.

ధన్యవాదములు

శివలింగం విశిష్టత!

"లింగం" అనే మాటలో "లిం" అంటే ఈ ప్రపంచంలోని సకల చరాచర వస్తువులు లయమయ్యే స్థలం. "గం" అంటె, అలా లయమైన సకలజీవకోటి తిరిగి దాని నుండి ఉద్భవించడం.

బ్రహ్మ భాగం: లింగం కింది భాగం నాలుగు భుజాలు కలిగి ఉంటుంది.

విష్ణు భాగం: మధ్యభాగం ఎనిమిది భుజాలు కలిగి ఉంటుంది.అది పానవట్టం అనే పేటలో అమరి ఉంటుంది.

రుద్ర భాగం: పైన ఉండేది రుద్ర భాగం.

ఇలా శివలింగంలో త్రిమూర్తులు ఉంటారు, అందుకే శివలింగం ఎంతో విశిష్టమైనది.

కుముదం 'భక్తి ' మాస పత్రిక (డిసెంబర్ 2002) నుండి సేకరించబడినది.

ధన్యవాదములు

తారక మంత్రం

రామ అనే రెండక్షరాలే తారక మంత్రం, ఆ రెండక్షరాలలోనే విశ్వరహస్యమంతా దాగుంది. సృష్టి స్థితి లయాలనే మూడింటికి ఉన్న సంబంధమే రామ శబ్ధం.

రామ శబ్ధంలోని "రా" లో "ర + ఆ" అనే అక్షరాలు ఉన్నాయి, ఇందులో "ర" అంటే అగ్ని, "ఆ" అంటె సూర్యుడు, "మ" అంటే చంద్రుడు. రామ శబ్ధంలో విశ్వానికి మూలమైన ఈ మూడు శక్తులు ఉన్నాయన్నమాట.

సూర్యుడు, భూమి, కాంతి, చలనము, విద్యుత్తు, ధ్వని, మేధస్సు, అగ్ని వలననే అవతరించాయని సామవేదంలో పేర్కొనబడినది.ఇక సూర్యుడి వల్లనే జ్ఞాన విజ్ఞానాలు లభిస్తున్నాయి, ప్రాణులకు చైతన్యం కలిగించేది సూర్యుడే. చంద్రుదు చల్లని వాడు, ఉష్ణొగ్రత తగినంత ఉండకపోతే ప్రాణులు జీవించలేవు, అందుకే చంద్రుడు లయానికి దోహదం చేస్తాడు. అందుకే రామ శబ్ధం తారక మంత్రమైంది, అందులో ఇంత విశెషముంది.

కుముదం 'భక్తి ' మాస పత్రిక (ఏప్రిల్ 2003) నుండి సేకరించబడినది.

ధన్యవాదములు

అమృతవాణి - I

చతుర్విధ పురుషార్థములు

"ధర్మార్థకామమోక్షాలు"

1. ధర్మము: ధర్మము ఆచరించాలి, మనం చేయగలిగిన దానిని సన్మార్గంలో చేయడమే ధర్మం.

జీవనానికి అవసరమైన ధర్మమార్గమున సంపాదించాలి

2. అర్థము: సన్మార్గమున అర్థవంతముగ జీవించాలి, కోరికలను విదిచిపెట్టాలి.

3. కామము: మోహమును జయించాలి అందుకు మనసున మంచి కోరికలు ఉండాలి.

4. మోక్షము: పైవన్ని చేసినపుదు మోక్షము లభిస్తుంది అని పెద్దల ఉవాచ.

ఈ నాలుగు మానవ జీవిత రధమునకు నాలుగు చక్రాలు.

కుముదం 'భక్తి ' మాస పత్రిక (ఏప్రిల్ 2007) నుండి సేకరించబడినది.

ధన్యవాదములు

డబ్బు ఉన్నప్పటికీ పొందలేనివి!

ఈ 'భక్తి ' సంకలనంలో కుముదం 'భక్తి ' మాస పత్రిక నుండి మా అమ్మకు నచ్చిన మరియు తను సేకరించిన విషయాలు పెడుతున్నాను.

డబ్బు సంపాదించవచ్చు.. నిద్రని సంపాదించలేము!

పుస్తకాల్ని కొనవచ్చు.. జ్ఞానాన్ని కొనలేము!

ఆహారాన్ని కొనవచ్చు.. ఆకలిని కొనలేము!

ఆడంబరాన్ని ప్రదర్సించవచ్చు.. ఆనందాన్ని కొనలేము!

మందులను కొనవచ్చు.. ఆరోగ్యాన్ని కొనలేము!

ఆయుధాల్ని కొనవచ్చు.. ధైర్యాన్ని కొనలేము!

పరిచయాలను పెంచుకొనవచ్చు.. ఆప్తమిత్రులను పొందలేము!

ప్రశాంత వాతావరణాన్ని కల్పించుకొనవచ్చు..

కానీ మనశ్శాంతిని పొందలేము!

కుముదం 'భక్తి ' మాస పత్రిక (మార్చి 2003) నుండి సేకరించబడినది.

ధన్యవాదములు