అనిశ్చిత డోలిక...

మనసు! అనిశ్చిత డోలిక,
విరిసిన మంచుముత్యాల్లా ఆనందాన్నొలికిస్తుంది.

అట్టడుగు పొరల్నుంచి లావాలాంటి విషాదాన్నుబికిస్తుంది.
లాలిస్తుంది, ధైర్యాన్నిస్తుంది.నిన్ను నీ లాగ అద్దం పడుతుంది.

ఎవ్వరికీ తెలియకుందా ఏదైనా చేయగలనన్న నిన్ను,
తన కోర్టులో ముద్దాయిని చేస్తుంది.
తప్పించుకోలేక తపించే పశ్చాత్తాప శిక్ష వేస్తుంది.

అరక్షణంలో ప్రపంచాన్ని చుట్టేసి ఎంత ఆనందమోనంటుంది,
నాక్కావాలనగానే వికృత పరిణామం విశదం చేసేస్తుంది.