అలసి సొలసిన అమ్మ!

వెన్నెల తరకల్ని మురిపించే నవ్వులతో

ఊ.. ఉంగా అంటూ చేతులాడిస్తూ

కోడికూత ముందే చిట్టి పాదాల్తో తంతూ

వటపత్రశాయిలా కాలివేలు చేత్తో పట్టి నోట పెట్టుకుంటూ

బోసినవ్వుల తేనెల విందు చేస్తూ రాగాలు తీసే కన్నా..

నీతో పాటే లేచి రాగాల ఊసులాడి

ఆనందామృతంలో తేలిపోవాలని ఉన్నా

ఈ నవయుగపు పందేరంలో

ఆఫీసుపనులూ, ఇంటిపనులూ, నీ పనులతో

అలసి సొలసిన అమ్మ

మగత నుండి తేరుకోలేదు, నీతో ఆడుకోలేదు .. కన్నా..